Саясат

Елбасы АҚШ елшісімен кездесті

© Официальный сайт президента РКНұрсұлтан Назарбаев Америка Құрама Штаттарының Қазақстан Республикасындағы Төтенше және Өкілетті Елшісі Джордж Кролмен кездесті
Нұрсұлтан Назарбаев Америка Құрама Штаттарының Қазақстан Республикасындағы Төтенше және Өкілетті Елшісі Джордж Кролмен кездесті - Sputnik Қазақстан
Жазылу
Назарбаев пен Крол кездесу барысында екі жақты ынтымақтастық мәселелерін талқылады

АСТАНА, 9 қаңтар — Sputnik. Нұрсұлтан Назарбаев Америка Құрама Штаттарының Қазақстан Республикасындағы Төтенше және Өкілетті Елшісі Джордж Кролмен кездесті, деп хабарлайды мемлекет басшысының баспасөз қызметі.

Нұрсұлтан Назарбаев Қазақстанның АҚШ-тағы елшісі Ержан Қазыхановпен кездесті - Sputnik Қазақстан
Саясат
Нұрсұлтан Назарбаев АҚШ-қа барады

Мемлекет басшысы Нұрсұлтан Назарбаев Джордж Кролдың Қазақстан Республикасы мен АҚШ арасындағы екіжақты қарым-қатынасты дамытуда ерекше рөл атқаратынын айтып, бүгінгі кездесу Қазақстан Президентінің Америка Құрама Штаттарына ресми сапары қарсаңында өтіп жатқанын атап өтті.

"26 жыл ішінде біздің елдеріміз арасында өзара достық қарым-қатынас орнап, 70-тен астам мемлекетаралық, үкіметаралық және ведомствоаралық келісімге қол қойылды", – деді Нұрсұлтан Назарбаев.

Кездесу барысында Мемлекет басшысы АҚШ Президенті Д.Трамппен бірге стратегиялық серіктестіктің басым бағыттарында, соның ішінде терроризмге қарсы күрес жүргізу, ядролық қаруды таратпау режимін нығайту саласында, сондай-ақ сауда-экономикалық және инвестициялық ынтымақтастық аясын одан әрі кеңейту бағытында қол жеткізілген уағдаластықтардың маңыздылығын айтты.

"Қазақстанда Америка капиталының қатысуымен 500-ге жуық компания жұмыс істейді, солардың 140-тан астамы – бірлескен кәсіпорындар. Олар тауар өндіріп, өнімдерін басқа елдерге экспорттаумен айналысады", – деді Қазақстан президенті.

Джордж Крол Қазақстан Республикасындағы дипломатиялық қызметіне жоғары баға бергені үшін Нұрсұлтан Назарбаевқа алғыс айтып, Қазақстан Президентінің алдағы сапары екі мемлекет арасындағы байланысты одан әрі нығайта түсетініне сенім білдірді.

Жаңалықтар
0