00:00 24 Шілде 2019
Тікелей эфир
  • USD384.52
  • EUR431.32
  • RUB6.10
Жолдар

Қазақстанда Қытаймен сауданы дамыту үшін қандай жолдар жөнделіп жатыр?

© Sputnik / Максим Богодвид
Саясат
Қысқа сілтеме алу
91 0 0

Елімізде Қытайға шығатын Қалбатау-Майқапшағай, Үшарал-Достық, Таскескен-Бахты жобалары қолға алынған

АСТАНА, 10 қыркүйек – Sputnik. ҚР инвестициялар және даму министрі Жеңіс Қасымбек "2015-2019 жылдарға арналған "Нұрлы жол" инфрақұрылымды дамыту мемлекеттік бағдарламасын іске асыру аясында автокөлік жолдарын дамыту туралы баяндады, деп хабарлайды Sputnik Қазақстан тілшісі.

Министрдің баяндамасына сүйенсек, қазіргі таңда Орталық-Оңтүстік, Орталық-Шығыс және Орталық-Батыс дәліздерінің реконструкциясы жүріп жатыр. 

"Орталық-Оңтүстік дәлізі бойынша Астана-Теміртау (171 км) және Алматы-Қапшағай (104 км) учаскелерінде қозғалыс ашылды. Биыл Теміртау-Қарағанды (14 км) учаскесіндегі қозғалысты ашамыз. Қарағанды қаласының айналма жолы мен Құрты-Бурылбайтал учаскесінде жұмыстар жүріп жатыр",- деді Қасымбек. 

Сондай-ақ Орталық-Шығыс дәлізі де толық қарқынмен қалпына келтірілуде. 

"Бүгінгі күні Астана-Павлодар (200 км) және Павлодар-Семей-Қалбатау (204 км) учаскелерінде қозғалыс ашық. Биыл 500 шақырым жолда жұмыстар жүргізілуде. Жыл соңына дейін 239 шақырымды аяқтаймыз. Орталық-Батыс жобасы аясында Қандыағаш-Мақат (299 км) учаскесінде жұмыстар жүріп жатыр. Ұзындығы 120 шақырым болатын Ақтөбе-Қандыағаш (60 км) және Атырау-Астрахань (60 км) учаскелерінде жөндеу жұмыстары басталды. Қазан айында Балқаш-Бурылбайтал жолының 297 шақырымын реконструкциялау басталады. 2019 жылдан бастап Қарағанды-Балқаш тас жолының 363 шақырымы мен Құрты-Қапшағай жолының 67 шақырымын жөндеу жоспарланып отыр",- деді ол.

Ведомство басшысы көрші мемлекеттермен сауда дамыту үшін қолға алынған жобаларға да тоқталды.  

"Шекара бойындағы аймақтардың көршілес елдермен сауда-экономикалық қарым-қатынасын дамыту үшін Ресейге шығатын  "Орал-Каменка (100 км), Петропавл-РФ шекарасы (61 км) жобалары жүзеге асып жатыр. Қытайға шығатын Қалбатау-Майқапшағай (415 км), Үшарал-Достық (184 км), Таскескен-Бахты (20 км) жобалары да қолға алынған. Маңғыстау облысында Өзбекстанға шығатын Бейнеу-Ақжігіт (84 км) жолы жөнделіп жатыр", — деді Қасымбек.

Айтуынша, биыл республикалық маңыздағы автожолдарды жөндеу мен күтіп-ұстауға 76,9 миллиард теңге қарастырылған.

Тақырып бойынша

Қытай төрағасы: Назарбаев – менің жақын досым
Қытай 15 сотталған қазақстандықты еліне қайтарды
Қытай мұсылмандары наразылық акциясына шықты: билік ірі мешітті сүріп тастамақ
Қытай билігі өлген адамды жерлеуге тыйым салып жатыр
Қытай азаматы өзеннің бойымен қыдырып жүріп еліміздің заңын бұзды
Қытай түрмесінде отырған Ақжарқын Тұрлыбайға қатысты тың мәлімет жарияланды
Кілт сөздер:
сауда, халықаралық қатынастар, жолдар, экономика, Қытай, Қазақстан
Загрузка...

Басты тақырып