Саясат

Досаев өмір сүру ұзақтығы мен бэби-бумның салдары туралы айтты

© Sputnik / Болат ШайхиновЕрболат Досаев
Ерболат Досаев - Sputnik Қазақстан
Жазылу
Ерболат Досаев Қазақстанның еңбек нарығына әсерін тигізетін ішкі өзгерістерді атады

АСТАНА, 28 қыркүйек — Sputnik. 2000 жылдардың ортасынан орын алған бэби-бум мен өмір сүру ұзақтығының ұлғаюы еңбек нарығына қосымша жүктеме әкеледі. Бұл туралы бүгін ҚР премьер-министрінің орынбасары Ерболат Досаев мәлімдеді, деп хабарлайды тілшісі.

Ерболат Досаев - Sputnik Қазақстан
Экономика
Ерболат Досаев Қазақстан даму банкінің директорлар кеңесінен шығарылды

"Қазақстанның үшінші жаңғыруы аясында экономикалық өсімнің жаңа моделі айқындалды. Ол экономиканың әртараптандырылуына, жеке сектордың көш бастаушы рөлі мен еңбек өнімділігін арттыруға негізделген. Экономика салаларында еңбек өнімділігін кем дегенде 50 процентке арттыру күтілуде", — деді Досаев мәжілісте өтіп жатқан "Жұмыспен қамту саласының проблемалары мен даму перспективалары" парламенттік тыңдауында.

Ол болашақта цифрландыру мен жаңа технологиялардың дамуына байланысты жұмыс күшіне жаңа талаптар қойылатынын атап өтті.

"Біз жаңа технологиялардың дамуымен және цифрландырумен ұштасатын қазіргі заманғы жаһандық өзгерістерді ескеруіміз қажет. Жаңа жағдайларда жұмыс күшінің сапасы мен біліктілігіне жаңа талаптар қойылатын болады. Ескі кәсіптер өзгеріп, тіпті жоғалып, болашақта жаңа кәсіптер пайда болады деген болжам бар. Салалар да өзгеріске ұшырайды, өндіруші салаларға жұмыс күшінің ағыны көбейеді", — деді үкімет басшысының орынбасары.

Тамақ - Sputnik Қазақстан
Қоғам
Ұзақ өмір сүру үшін қалай дұрыс тамақтану керек?

Сондай-ақ ол жаһандық өзгерістермен қатар ішкі өзгерістер де орын алатынын айтты.

"Өмір сұру ұзақтығының ұлғаюымен қатар, 2000 жылдардың ортасынан орын алған бэби-бум еңбек нарығына қосымша жүктеме әкеледі. Осылайша, бір жағынан, нарық талаптарына сәйкес келетін өндіруші жұмыс орындарын құруды қамтамасыз ету, екіншіден, сұранысқа ие білікті кадрларды даярлау қажет. Бұл үкімет пен облыс, республикалық маңызы бар қалалар әкімдерінің алдына қойылған ортақ міндет. Бұл міндетті шешудің негізгі құралы жаңа нәтижелі жұмыспен қамтуды және жаппай кәсіпкерлікті дамыту бағдарламасы болып отыр", — деді Досаев.

Жаңалықтар
0