06:56 16 Шілде 2019
Тікелей эфир
  • USD383.43
  • EUR432.47
  • RUB6.12
Премьер-министр Бақытжан Сағынтаев

Сағынтаев елшілердің Қазақстанға қанша инвестиция тартқанын тексеріп отыруды тапсырды

© Sputnik / Болат Шайхинов
Саясат
Қысқа сілтеме алу
72 0 0

Үкімет отырысында инвестиция тарту мәселелері қаралды

АСТАНА, 23 қазан – Sputnik. Үкімет басшысы Бақытжан Сағынтаев елшіліктердің Қазақстанға инвестиция тарту жұмысын бақылауда ұстауды тапсырды, деп хабарлайды Sputnik Қазақстан тілшісі.

Сағынтаев Қазақстанның басқа мемлекеттердегі елшіліктерінің негізгі жұмысы елге инвестиция тарту екенін атап өтті. 

"Елбасы елшіліктердің жұмысына зор мән береді. Олардың негізгі қызметі елге инвестиция тарту екенін білесіздер. Сондықтан, менің ойымша, Асқар Ұзақбайұлы (премьер-министрдің бірінші орынбасары –автор ескерт.), елшіліктермен бірге елге қанша инвестиция тартылып жатқанын қарап, KPI-ды көрейік. Қай елден, қай елшіліктің көмегімен қанша инвестиция келді, соны анықтайық. Әйтпесе, біз инвестиция көлемін жалпы көрсетеміз. Ал оның ішінде, мүмкін, белгілі бір елшіліктер ғана жұмыс істеп жатқан шығар. Басқа елдерден қызығушылық бар, бірақ жұмыс жүрмей жатқан шығар. Сондықтан Қайрат Құдайбергенұлы, біз мұны қарайық. Жұмыс болмай жатса, күшімізді салып, көмектесейік", — деді премьер үкімет отырысында. 

Сондай-ақ ол түрлі инвестициялық форумдар мен іскерлік кеңестерде бекітілетін меморандумдарға талдау жасауды тапсырды. 

"Қазір әр облыста инвестфорумдар өтеді, бұл жақсы, әрине. Әр өңірдің мүмкіндіктерін көрсету керек. Дегенмен сол жиындарда қол қойылатын меморандумдар немен аяқталды? Іске асырылып жатыр ма? Міне осы мәселелерге баса назар аудару керек", — деді Сағынтаев.

Тақырып бойынша

"Самұрық-Қазына" Қытай кәсіпкерлерімен 13 миллиард долларға келісім жасасты
Назарбаев шетелдік инвесторларға: бірлескен жұмыс үшін алғыс айтамын
Кілт сөздер:
шетелдік инвесторлар, экономика, инвестиция, халықаралық қатынастар, елші, Бақытжан Сағынтаев
Загрузка...

Басты тақырып