Астанадағы саммитте Путин Назарбаевты құшақтады

АСТАНА, 8 қараша – Sputnik. Астанада Ұжымдық қауіпсіздік туралы шарт ұйымының саммиті басталды, деп хабарлайды Sputnik Қазақстан. 

Қазақстан президенті Нұрсұлтан Назарбаев ұйымға қатысушы елдердің көшбасшыларын қарсы алды. Кездесуге алғаш болып Арменияның премьер-министрі Никол Пашинян кірді, одан кейін Беларусь президенті Александр Лукашенко, Тәжікстан басшысы Эмомали Рахмон, Қырғызстан президенті Сооронбай Жээнбеков және Ресей президенті Владимир Путин. 

Владимир Путин қуанышты жүзбен Назарбаевтың қасына келіп, қазақстандық әріптесінің қолын қысып қана қоймай, оны құшақтады. 

Келіссөзді бастамас бұрын, мемлекет көшбасшылары бірге суретке түсті. 

Астанадағы ҰҚШҰ саммиті туралы не білу керек?

ҰҚШҰ-ға мүше елдер көшбасшылары 20-ға жуық құжат қарайды. Астанада, жоспар бойынша, ҰҚШҰ серіктесі мен бақылаушысының мәртебесі туралы, сондай-ақ ұйымның дағдарыс кезінде әрекет ету орталығын іске қосу бойынша шешім қабылдануы тиіс. 

ҰҚШҰ Ұжымдық қауіпсіздік кеңесінің декларациясы қорытынды құжат болмақ.

Саммитте ҰҚШҰ бас хатшысы лауазымының тағдыры шешілуі мүмкін. Бұған дейін, Арменияда конституциялық құрылымды құлатуға қатысты деп айыпталған Юрий Хачатуров қызметінен айырылған еді.

Бейсенбі күні Қазақстан ҰҚШҰ-ға төрағалықты ресми түрде Қырғызстанға тапсырды.