04:29 22 Наурыз 2019
Тікелей эфир
  • USD378.17
  • EUR429.11
  • RUB5.88
Кабинет министров в новом составе

Үш жыл депутат болған жаңа министр: мінберге бірінші рет шығып тұрмын

© Sputnik / Владислав Воднев
Саясат
Қысқа сілтеме алу
173420

Мәжіліс төрағасы Нығматулин жаңа ауыл шаруашылығы министріне сәттілік тілеп, алғыс хат берді

АСТАНА, 27 ақпан – Sputnik. Үш жыл депутат болған Сапархан Омаров ауыл шаруашылығы министрі болып тағайындалуына байланысты депутаттық өкілеттілігін мерзімінен бұрын босатты, деп хабарлайды Sputnik Қазақстан тілшісі.

Мәжілістің жалпы отырысында орталық сайлау комиссиясының мүшесі Ақылбек Ихданов Сапархан Омаровтың заңды түрде депутаттықтан кетіп жатқанын атап өтті.

Кейін мәжіліс төрағасы Нұрлан Нығматулин экс-депутатқа жаңа қызметінде сәттілік тілеп, оған алғыс хат табыстады.

"Сапархан Кесікбайұлы, сізге осы парламентте бірлесіп атқарған жұмыс үшін әріптестеріміздің атынан алғысымды білдіремін. Мәжілістің аграрлық комитетін басқарып, көптеген маңызды заңдарды қабылдауға зор үлес қостыңыз. Енді ауыл шаруашылығы министрі лауазымына тағайындалып отырсыз. Өте жауапты жұмысқа барып отырсыз, сізге зор табыстар тілейміз", - деді ол.

Осы орайда Сапархан Омаров мәжіліс мінберіне шығып, сөз сөйлеуге ниет білдірді.

"Мен оған заң жобаларымен мәжіліске жиі келіп тұрасың дедім. Сондықтан осы мінберге үйреніп кел", - деді мәжіліс төрағасы жаңа ауыл шаруашылығы министріне қалжыңдап.

"Мінберге бірінші рет шығып тұрмын. Осында тұрып, біріншіден Елбасының сенім артқанына рахмет айтқым келеді. Екіншіден, Нұрлан Зайроллаұлы, менің кандидатурамды қолдағандарыңыз үшін үлкен алғыс айтамын. Осында 3 жылға жуық уақыт жұмыс істедім. Заң шығару жұмысында сіздерден көп нәрсе үйрендім. Енді заңды оқып қана қоймай, оны түсінетін жағдайға жетіп отырмын. Сіздердің қолдаудаларыңызбен ауыл шаруашылығын дамыту үрдісінде жұмыс істей беремін. Сіздерге рақмет", - деді Сапархан Омаров.

Ауыл шаруашылығы министрі Сапархан Омаров туралы не білеміз?

Кілт сөздер:
Ауыл шаруашылығы министрлігі, депутат, Нұрлан Нығматулин, Мәжіліс
Загрузка...

Басты тақырып