16:28 19 Қараша 2019
Тікелей эфир
  • USD387.14
  • EUR428.18
  • RUB6.06
Нұрлан Нығматулин

"Жарайсың!" Нығматулин үкіметтен мәжіліске келген депутатты мақтады

© Sputnik / Болат Шайхинов
Саясат
Қысқа сілтеме алу
722 0 0

Нұржан Әлтаев ауылдық елді мекендердегі кәсіпкерлікті дамыту мәселесін көтерді

АСТАНА, 6 наурыз – Sputnik. Мәжіліс төрағасы Нұрлан Нығматулин ауылдарда жеке кәсібі бар әйелдердің мәселесін көтерген бұрынғы еңбек және халықты әлеуметтік қорғау вице-министрі, қазіргі депутат Нұржан Әлтаевты мақтады, деп хабарлайды Sputnik Қазақстан тілшісі.

Мәжілістің жалпы отырысында жуырда ғана депутат болған экс-вице-министр Нұржан Әлтаев ауылдық елді мекендердегі кәсіпкерлікті дамыту мәселесін көтерді. Премьер-министрдің атына жолдаған депутаттық сауалында ол халықтың жартысына жуығы тұратын ауылдық жерлерде табыс өте төмен екенін атап өтті. Ал кәсіпкерлікті дамыту бағдарламасында гендерлік аспект тиісті деңгейде ескерілмеген.

"Біз ауыл әйелдері арасында кәсіпкерлікті дамыту шараларын қолға алуымыз қажет. Ауылда тұратын әйелдер мобильді емес, білімі де жеткіліксіз, толыққанды дамуға, бизнеспен айналысуға мүмкіндіктері жоқ. Ауыл әйелдері арасында табыстың төмендігі өңірлік және ұлттық ауқымда елдің дамуын тежеп отырған маңызды проблема", - деді Әлтаев.

Оның айтуынша, қазіргі таңда елімізде микрокредитке бөлінетін 62 миллиард теңгенің тек 20 проценті ғана кәсіпкер әйелдерге беріледі. Ол сонау 90-шы жылдардың басында ерлер емес, дәл осы әйелдер қазақстандық кәсіпкерліктің негізін қалағанын атап өтті.

"Бәріміздің есімізде шығар, 90-шы жылдардың басында еліміз енді ғана тәуелсіздік алғанда, ерлер диванда жатып, нарық пен нарықтық экономиканың не екенін түсінуге тырысып, бас қатырып жүргенде, дәл осы әйелдер қазақстандық кәсіпкерліктің негізін қалады", - деді мәжілісмен.

Жас депутаттың маңызды проблеманы көтергені Нұрлан Нығматулинге ұнап қалды. 

"Үкіметтен парламентке келген кейде пайдалы екенін көріп отырсыздар ғой?! Үкіметте осы мәселелер жүктелді – айналысқан жоқ. Мында келді – проблеманы байқап қалды. Жарайсың", - деп мақтады депутатты Нығматулин.

"Әйелдер көмек сұрайды", - деп қысқа қайырды Әлтаев.

Айта кетсек, Нұржан Әлтаев осы жылдың ақпанында мәжіліс депутаты болды. Бұған дейін еңбек және халықты әлеуметтік қорғау министрінің орынбасары қызметін атқарған.

Тақырып бойынша

Нығматулин мемлекеттік сатып алуды алдын ала келісілген матчпен салыстырды
"Сол қол оң қолдың не істеп жатқанын білмейді" Нығматулин министрлерді сынады
"Білетініңізді көрдік!" Нығматулин сұраққа жауап бере алмаған министрге ашуланды
Нығматулин: Қазақстанда орташа жалақы 17 есе өсті
"Лезде өзгеріп саласыздар" Нығматулин министрлерді "Формула-1" шабандоздарына теңеді
Кілт сөздер:
ауыл, бизнесмен, жеке кәсіпкерлер, Нұрлан Нығматулин, Нұржан Әлтаев
Загрузка...

Басты тақырып