10:33 14 Қазан 2019
Тікелей эфир
  • USD389.52
  • EUR429.21
  • RUB6.07
Қазақстанның тұңғыш президенті Нұрсұлтан Назарбаев

"Алдымызда ауқымды жұмыс тұр" Назарбаев алғашқы жиынын өткізді

© Photo: Акорда
Саясат
Қысқа сілтеме алу
2038 0 0

Назарбаев Тұңғыш президент кеңсесінің алдына қойылған міндеттерді дер кезінде және тиімді орындауды тапсырды

НҰР-СҰЛТАН, 3 сәуір – Sputnik. Елордадағы Назарбаев орталығында Қазақстанның Тұңғыш президенті – Елбасы Нұрсұлтан Назарбаевтың төрағалығымен кеңес өтті, деп хабарлайды Тұңғыш президенті – Елбасының баспасөз қызметі.

Жиын барысында Назарбаевқа Қазақстанның Тұңғыш президенті – Елбасы кеңсесінің қызметіне байланысты ұйымдастырушылық-құқықтық мәселелердің аяқталғаны жөнінде баяндалды, сондай-ақ, Елбасы кеңсесіне кадрларды іріктеу жұмыстарының нәтижелері туралы ақпарат ұсынылды.

Нұрсұлтан Назарбаев Тұңғыш президент кеңсесінің алдына қойылған міндеттердің уақтылы және тиімді орындалуын қамтамасыз ету қажеттігін атап өтті.

"Мен Тұңғыш президент – Елбасының тиісті конституциялық заңмен реттелетін міндеттерін атқаруға кірістім. Сонымен қатар, мен Қауіпсіздік кеңесінің, Қазақстан халқы Ассамблеясының төрағасымын, "Nur Otan" партиясына басшылық етуді жалғастыра беремін. Алдымызда ауқымды жұмыс тұр. Осы қызметті қамтамасыз ету үшін Тұңғыш президенттің кеңсесі құрылды. Ұйымдастыру мәселелерінің барлығы шешілді. Енді бәріміз жүктелген міндеттерді орындауға кірісуіміз керек", – деді Елбасы.

Назарбаев мемлекетті одан әрі дамыту жөніндегі стратегиялық міндеттерді сапалы шешу мақсатымен ведомствоаралық өзара тиімді ықпалдастық орнатудың қажеттілігін айтты.

Тағы оқыңыз: Тоқаев алғашқы ресми сапармен Мәскеуге барды

"Бүгінде президент те, үкімет те мен бекіткен бағдарламалық құжаттарда, Жолдауда қамтылған, сондай-ақ партия съезінде айтылған міндеттерді орындау бағытында жұмыс істеуде. Бәріміз Қазақстанның игілігі үшін, еліміздің тұрақтылығын, бірлігі мен дамуын қамтамасыз ету үшін жұмыс істеуге тиіспіз. Бұл – бәрімізге ортақ міндет", – деді Назарбаев.

Тағы оқыңыз: Назарбаев: Тоқаев менің артқан үмітімді ақтайды деп сенемін

Қазақстанның Тұңғыш президенті қоғамдық маңызы бар бастамаларды жүзеге асырудың маңыздылығына баса мән берді. Бұл ретте, Нұрсұлтан Назарбаев Тұңғыш президент қорының талантты жастарға жан-жақты қолдау көрсетуге бағытталған жобаларын іске асырудың өзектілігі атап өтті.

Жиын қорытындысы бойынша Елбасы бірқатар нақты тапсырма берді.

Тақырып бойынша

Нұрсұлтан Назарбаев тікұшақ апатынан қаза тапқандардың отбасына көңіл айтты
Назарбаев Алматыны не үшін жақсы көретінін ашық айтты – видео
Назарбаев өзінің кеңесшісін тағайындады
"Соның бәрі елдің қамы" Назарбаев өзі туып-өскен Шамалған ауылына келді
Нұрсұлтан Назарбаев өзінің сыныптастарымен кездесті
Кілт сөздер:
тұңғыш президент, Елбасы, "Нұр Отан" партиясы, Қауіпсіздік кеңесі, Назарбаев
Загрузка...

Басты тақырып