12:58 23 Шілде 2019
Тікелей эфир
  • USD384.52
  • EUR431.32
  • RUB6.10
Қасым-Жомарт Тоқаев сайлау учаскесінде, архивтегі сурет

Заңгер: Тоқаевтың БҰҰ-дағы қызметі сайлауға түсуге кедергі болмайды

© Photo : пресс-служба Сената РК
Саясат
Қысқа сілтеме алу
Президент сайлауы - 2019 (176)
195 0 0

БҰҰ-дағы қызметі кезінде Қасым-Жомарт Тоқаев заң жүзінде Қазақстанда болған

НҰР-СҰЛТАН, 12 сәуір — Sputnik. Қасым-Жомарт Тоқаевтың Женевада БҰҰ-нда қызмет етуі кезектен тыс президент сайлауына түсуге кедергі бола алмайды, деп мәлімдеді заң ғылымдарының докторы Марат Сәрсембаев.

"Дипломатиялық қызмет туралы" заңның 15-1 бабына сәйкес, дипломатиялық қызметкерлер халықаралық ұйымдарға жіберіледі. Қазіргі президентіміз жұмыс бабымен іс-сапарға жіберіліп,  БҰҰ-да қызмет атқарды. Сондықтан Қасым-Жомарт Тоқаев шетелде тұрған жоқ, тек қызмет етті. Ол біздің мемлекеттік органдармен байланысын үзген жоқ. Еліміздің азаматы болғандықтан, бәрі Қазақстан заңнамасына сай жүзеге асты", - деді Sputnik Қазақстан баспасөз орталығында заң ғылымдарының докторы Марат Сәрсембаев.

Бұған дейін әділет вице-министрі Наталья Пан президент сайлауына түсетін үміткерлерге қойылатын талаптарда шетелдік іс-сапарлар туралы жазылмағанын айтқан болатын. Ол Қасым-Жомарт Тоқаевтың сайлауға түсуіне еш кедергі жоқ екенін жеткізді.

Первый доктор юридических наук в Казахстане по международному праву Марат Сарсембаев
© Sputnik / Абзал Калиев.
Заң ғылымдарының докторы Марат Сәрсембаев

Қасым-Жомарт Тоқаев 2011 жылдың наурыз айынан бастап 2013 жылдың қазан айына дейін БҰҰ бас хатшысының орынбасары, ұйымның  Женевадағы бөлімшесінің бас директоры  қызметін атқарды.

9 сәуір, сейсенбі күні Тоқаев өзінің халыққа үндеуінде Қазақстанда 2019 жылдың 9 маусымында кезектен тыс президент сайлауы өтетінін жариялаған болатын.

Қазақстан президенті сайлауына кандидаттарды ұсыну 10 сәуірден басталып, 28 сәуірде аяқталады, тіркеу 11 мамырға дейін созылады.

Президенттікке кандидаттарды ұсыну құқығы "Сайлау туралы" конституциялық заңның 55-бабы 1-тармағына сәйкес белгіленген тәртіппен тіркелген республикалық қоғамдық бірлестіктерге тиесілі. Ұсыну туралы шешім республикалық қоғамдық бірлестіктің жоғары органы мүшелерінің жалпы санының көпшілік даусымен қабылданады.

Тақырып:
Президент сайлауы - 2019 (176)
Кілт сөздер:
Қасым-Жомарт Тоқаев, президент, президенттік сайлау
Загрузка...

Басты тақырып