НҰР-СҰЛТАН, 9 маусым – Sputnik. Ресей мемлекеттік думасының депутаты Анатолий Выборный Ұжымдық қауіпсіздік шарт ұйымы парламентаралық ассамблеясының атынан келген бақылаушылар тобына кіреді.
Тағы оқыңыз: Қасым-Жомарт Тоқаев баратын учаскеде не болып жатыр – фото
"Бүгін біз сайлау учаскесі ашылмай тұрып келдік. Негізгі мақсат – сайлауға дайындықты көру. Басқа бақылаушылармен де кездестік. Шынымен де, тәуелсіз бақылаушылар келді. Олардың ішінде азаматтық қоғам мен халықаралық ұйымдардың өкілдері бар", - деді Выборный Sputnik Қазақстан тілшісіне берген сұхбатында.
Оның айтуынша, әзірге ешқандай кемшілік байқалып жатқан жоқ. Сайлау учаскесі уақытында ашылды. Адамдар емін-еркін келіп, дауыстарын беріп жатыр.
"Қазақстан халқы үздіктердің ішінен үздік кандидатты таңдайды деп сенеміз. Халықтың мұң-мұқтажын білетін әрі түсінетін адам ғана сайлауда жеңіске жете алады", - деп атап көрсетті Выборный.
Қазақстан президенті сайлауы
Орталық сайлау комиссиясы Қазақстан президенттігіне жеті кандидатты тіркеді:
- Қазақстан коммунистік халық партиясы атынан Жамбыл Ахметбеков;
- "Ақ жол" демократиялық партиясы атынан Дания Еспаева;
- "Ұлт тағдыры" қозғалысы атынан Әміржан Қосанов;
- "Ауыл" партиясы атынан Төлеутай Рақымбеков;
- Кәсіподақтар федерациясы атынан Амангелді Таспихов;
- Nur Otan партиясы атынан Қасым-Жомарт Тоқаев;
- "Ұлы дала қырандары" қоғамдық бірлестігі атынан Сәдібек Түгел.