14:16 26 Маусым 2019
Тікелей эфир
  • USD378.83
  • EUR430.99
  • RUB6.04
Күләш Шәмшидинова

Тоқаев Шәмшидинованы қызметінен босатты

© Sputnik / Владислав Воднев
Саясат
Қысқа сілтеме алу
2482520

Күләш Шәмшидинова білім және ғылым министрі болып төрт айдай ғана жұмыс істеді

НҰР-СҰЛТАН, 13 маусым – Sputnik. Қазақстан президенті Қасым-Жомарт Тоқаевтың жарлығымен Күләш Шәмшидинова басқа жұмысқа ауысуына байланысты ҚР Білім және ғылым министрі қызметінен босатылды, деп хабарлайды премьер-министрдің сайты.  

Үкімет басшысы Асқар Мамин Күләш Шәмшидиноваға жемісті жұмысы үшін алғыс білдіріп, жаңа қызметіне сәттілік тіледі.  

"Күләш Ноғатайқызы тәжірибесі мол басшы. Министр қызметінде қарқынды жұмыс істеп, еліміздің білім беру саласының дамуына елеулі үлес қосты", — деді ол. 

Мамин Білім және ғылым министрлігінің ұжымына жаңа министрді таныстырды. Ол Асхат Аймағамбетовтың білім беру саласында тиісті білімі мен үлкен тәжірибесі бар екенін атап өтті. Асхат Аймағамбетов түрлі жылдары Қарағанды облысы білім басқармасының басшысы, білім және ғылым вице-министрі қызметтерін атқарды. Жаңа қызметке тағайындалғанға дейін Қарағанды облысы әкімінің орынбасары болды.

Тағы оқыңыз: Жаңа білім министрі туралы не білеміз?

Білім министрлігіндегі жемқорлық былықтар

Білім және ғылым министрлігінде жуырда шу шықты. Министрдің орынбасары Эльмира Суханбердиева екі айға қамауға алыны. Ол лауазымдық өкілеттіліктерін теріс пайдаланды, пара алды, кәсіпкерлік қызметке заңсыз қатысты деген күдікке ілінді. Сондай-ақ министрлікке қарасты ұлттық тестілеу орталығының басшылары парамен ұсталған болатын.

Күләш Шәмшидинова білім және ғылым министрі болып төрт айдай ғана жұмыс істеді. Ол бұл қызметке 2019 жылдың 25 ақпанында тағайындалған еді. 

Қасым-Жомарт Тоқаев бұған дейін мемлекеттік органдардың бірінші жетекшілері қарамағындағы қызметкерлердің жемқорлық қылмысы үшін отставкаға кетуі керек екенін айтты. Жыл соңына дейін бұл норманы заңға енгізу жоспарланып отыр.

Тақырып бойынша

Білім және ғылым министрі Күләш Шәмшидинова туралы не білеміз?
Білім вице-министрі Эльмира Суханбердиева қамауға алынды
Тоқаевтың жарлығы: Қазақстанда екі агенттік қайта құрылды
Тоқаев Нұр-Сұлтан қаласының әкімін ауыстырды
ҰБТ қажет пе, жоқ па? Білім министрі көптің көкейіндегі сұраққа нүкте қойды
Тестілеу орталығындағы шу: білім министрі отставкаға кете ме?
Кілт сөздер:
Қасым-Жомарт Тоқаев, Күләш Шәмшидинова
Загрузка...

Басты тақырып