22:16 15 Қазан 2019
Тікелей эфир
  • USD389.62
  • EUR429.98
  • RUB6.06
Nur Otan

Тоқаев Бауыржан Байбекке Nur Otan партиясының басты міндетін айтты

© Sputnik / Владислав Воднев
Саясат
Қысқа сілтеме алу
212 0 0

Қазақстан президенті Бауыржан Байбекке бірқатар тапсырма берді

НҰР-СҰЛТАН, 1 шілде – Sputnik. Қазақстан президенті Қасым-Жомарт Тоқаев Nur Otan партиясы төрағасының бірінші орынбасары Бауыржан Байбекті қабылдады, деп хабарлайды Ақорда.

Кездесу барысында мемлекет басшысы Бауыржан Байбекке үкіметпен, мәжіліспен, мәслихаттармен өзара іс-қимылды күшейту, партия ұйымдарын нығайту қажеттігін айтты. Сонымен қатар Қасым-Жомарт Тоқаев сайлауалды уәделердің орындалуы үшін партиялық және қоғамдық бақылауды қамтамасыз етуге керектігін атап өтті.

"Партияның міндеті – сайлауалды уәделердің орындалуы үшін қоғамдық бақылауды күшейту. Халықтың барлық аманатының орындалуын қатаң бақылауға алып, олардың нақты орындалуын қамтамасыз ету керек. Елімізде жүргізіліп жатқан реформалардың мәнін халыққа уақтылы әрі тиімді жеткізу маңызды", – деді президент.

Кездесу соңында Қасым-Жомарт Тоқаев Қоғамдық сенім ұлттық кеңесінде және жас мамандардан президенттің кадрлық резервін жасақтауда партияның жұмысын жандандыру үшін бірқатар тапсырма берді.

© Photo : Ақорда
Президент Қасым-Жомарт Тоқаев пен Nur Otan төрағасының бірінші орынбасары Бауыржан Байбек
Кілт сөздер:
Бауыржан Байбек, Қасым-Жомарт Тоқаев, "Нұр Отан" партиясы
Загрузка...

Басты тақырып