Саясат

Тұрмыс жағдайын жақсарту керек: Тоқаев мәдениет министріне тапсырма берді

© Sputnik / Владислав ВодневҚазақстан президенті Қасым-Жомарт Тоқаев
Қазақстан президенті Қасым-Жомарт Тоқаев  - Sputnik Қазақстан
Жазылу
Мемлекет басшысына министрліктің атқарып жатқан қазіргі қызметі жөнінде мәлімет берілді

НҰР-СҰЛТАН, 5 шілде — Sputnik. Қасым-Жомарт Тоқаев мәдениет және спорт министрі Ақтоты Райымқұлованы қабылдады, деп хабарлады Ақорданың баспасөз қызметі.

Мемлекет басшысына министрліктің атқарып жатқан қазіргі қызметі және ортамерзімді жоспары жөнінде мәлімет берілді.

Қазақстан президенті жаңа министрге заңнамалар мен нормативтік-құқықтық базаны одан әрі жетілдіру, сондай-ақ "Рухани жаңғыру" және "Киелі Қазақстан" бағдарламаларын, туризм, спорт, мәдениет және тіл саясаты салаларындағы жобаларды іске асыру жөнінде бірқатар міндет қойды.

Сонымен қатар, Қасым-Жомарт Тоқаев мәдениет және спорт қайраткерлерінің әлеуметтік тұрмыс жағдайын жақсарту, жергілікті атқарушы органдармен және бизнес-құрылымдармен өзара ықпалдастықты нығайту бойынша жұмыстарды жандандыру қажеттігін айтты.

Мемлекет басшысы бұған дейін Қазақстан азаматтарының борыш жүктемесін азайту шаралары туралы жарлыққа қол қойған еді.

Толығырақ мына жерде: Қазақстанда кімдердің кредиті өтеледі

 

Жаңалықтар
0