19:06 19 Қыркүйек 2019
Тікелей эфир
  • USD386.77
  • EUR427.26
  • RUB6.00
Қасым-Жомарт Тоқаев Қытайдың іскер топтарының өкілдерімен кездесті

Тоқаев: Қазақстанға қытай туристерін тартуға мол мүмкіндік бар

© Photo: Официальный сайт президента Казахстана
Саясат
Қысқа сілтеме алу
29 0 0

Мемлекет басшысы көрші елдің іскерлік ортасын Қазақстанда қытайлық 5А стандарттарына сәйкес туристік орталықтар салуға шақырды

НҰР-СҰЛТАН, 10 қыркүйек – Sputnik. Қазақстан президенті Қасым-Жомарт Тоқаев Қытай іскерлік орта өкілдерімен кездесті, деп хабарлады Ақорданың баспасөз қызметі.

Іскерлік ортамен жиынның ашылуында президент Қасым-Жомарт Тоқаев  Қазақстан мен Қытайдың 27 жылдық ынтымақтастығының нәтижесінде екі ел арасында қарым-қатынас нығайып, жан-жақты стратегиялық әріптестік қалыптасқанын айтты. Бұған екі елдің жоғары деңгейде сенімді диалог орнатуы негіз болғанын да тілге тиек етті.

Қасым-Жомарт Тоқаев өз сөзінде екі мемлекет арасындағы байланыстың нығаюына Қазақстанның Тұңғыш президенті – Елбасы Нұрсұлтан Назарбаев пен ҚХР төрағасы Си Цзиньпиннің достығы зор үлес қосқанын да баса атап өтті. 

Тағы оқыңыз: Қытаймен бірлескен кәсіпорындар құруға мүдделіміз - Тоқаев

Президент Қазақстан мен Қытайдың экономикалық ынтымақтастығының болашағы зор деп есептейді. Екі жақты әріптестіктің басым бағыттарын атап өткен мемлекет басшысы екі елдің бизнес-өкілдері болашақта атқаратын жаңа міндеттерге де тоқталды. 

Атап айтқанда, Қасым-Жомарт Тоқаев алдағы уақытта инновациялық және ғылыми-техникалық бағыттарға зор ықылас бөлу керектігіне тоқталды. Сондай-ақ, ол аталған бағыттарда Қазақстан Қытаймен бірлесіп жұмыс істеуге дайын екенін де жеткізді.

Президент туризм саласы бойынша да ой қозғап, өзара іскерлік байланыс пен рекреациялық туризм үлкен қарқынмен дамып жатқан Қазақстанға қытайлық туристерін тартуға да мол мүмкіндік барын айтты. Осы ретте мемлекет басшысы көрші елдің іскерлік ортасын Қазақстанда қытайлық 5А стандарттарына сәйкес туристік орталықтар салуға шақырды.

Қасым-Жомарт Тоқаев Қазақстан мен Қытай арасындағы қаржы саласындағы қарым-қатынастың мүмкіндігі зор екеніне тоқталды. Бұл мәселеде "Астана" халықаралық қаржы орталығының маңызды рөл атқаратынын еске салды. Президент "Астана" ХҚО базасында RMB Connect механизмі құрылатынын жетізді.

"RMB Connect жобасы юаньмен инвестициялар салуға мүмкіндік береді. Жаңа экожүйе Қытай юанінің әлемге таралуына елеулі үлес қосатынына және Қазақстан кәсіпорындары мен өңірдегі өзге елдер үшін юаньмен операция жасау бойынша жаңа есеп айырысу-клиринг орталығына айналатынына сенімдімін",–  деді мемлекет басшысы.

Сөз соңында Қасым-Жомарт Тоқаев қазіргі жағдайда "Бизнеске арналған үкімет" (Government to Business) форматындағы өзара іс-қимыл іскерлік ынтымақтастықты жандандырудың пәрменді құралдарының бірі болып табылатынын атап өтті.

Президент айтқандай, бұл кездесу Қазақстан мен Қытайдың сауда-экономикалық әріптестігін тереңдетуге нақты қадам болады.

Тақырып бойынша

Тоқаевтың Қытайға не үшін барғаны белгілі болды
Тоқаев Қытай телеарнасына сұхбат берді: президент не туралы айтты
"Билік тізгінін соларға тапсырамыз": Тоқаев кеңес отырысында маңызды мәселені көтерді
Тоқаев қазақтың мемлекеттілігі бәріне бірдей ұнамайтынын айтты
Тоқаев Қытайда тек қазақ тілінде сөз сөйлеп жүр
Кілт сөздер:
Қытай, туристер, Қасым-Жомарт Тоқаев
Загрузка...

Басты тақырып