06:26 18 Қазан 2019
Тікелей эфир
  • USD389.94
  • EUR433.50
  • RUB6.10
Ақорда, архивтегі сурет

Тоқаевтың алдағы аптада АҚШ-қа неге баратыны белгілі болды

© Sputnik / Владислав Воднев
Саясат
Қысқа сілтеме алу
2290 0 0

Президенттің баспасөз хатшысының хабарлуынша, Қасым-Жомарт Тоқаев БҰҰ Бас Ассамблеясының Жалпы пікірсайысында баяндама жасайды

НҰР-СҰЛТАН, 21 қыркүйек — Sputnik. Қазақстан президенті Қасым-Жомарт Тоқаев биыл 23-25 қыркүйекте Нью-Йорк қаласына барады, деп хабарлады мемлекет басшысының баспасөз хатшысы Берік Уәли.

"Қазақстан Республикасының президенті Қасым-Жомарт Тоқаев Нью-Йорк қаласында (АҚШ) өтетін БҰҰ Бас Ассамблеясының 74-ші сессиясына қатысады", - деп жазды Уәли.

Баспасөз хатшысының сөзіне сүйенсек, Бас Ассамблеяның жұмысына 196 делегация, 100-ге жуық мемлекет басшысы, БҰҰ-ға мүше елдердің 80-нен аса үкімет және сыртқы саясат ведомствосы жетекшілері қатысады. Осы маңыды шараның аясында 630 түрлі кездесу өтеді деп жоспарланып отыр.

"Мемлекет басшысы Бас Ассамблеяның Жалпы пікірсайысында баяндама жасайды. Биыл аталған пікірсайыс "Кедейлікті жою, сапалы білім беруді және климатты сақтау іс-қимылдары мен жан-жақты тәсілдерді ілгерілету үшін көпжақты күш-жігерді шоғырландыру" тақырыбында өтеді. Сондай-ақ, президент тұрақты даму мәселелері жөніндегі жоғары деңгейдегі саяси форумда сөз сөйлейді", - дейді Берік Уәли.

Бұдан бөлек, Қасым-Жомарт Тоқаевтың БҰҰ-ның Бас хатшысы Антониу Гутерришпен, бірқатар мемлекет және үкімет басшыларымен, халықаралық ұйым жетекшілерімен, америкалық бизнес және трансұлттық компания өкілдерімен, АҚШ-тың саяси және сарапшы топ мүшелерімен кездесуі жоспарланған.

Тағы оқыңыз: Тоқаев бірнеше ауыс-түйіс жасады

Баспасөз хатшысының айтуынша, президенттің БҰҰ БА-ның жоғары деңгейдегі жиынына қатысуы Қазақстанның бірқатар сыртқы саяси бастамасын ілгерілетуге бағытталған. Атап айтқанда, қарусыздандыру және оны таратпау, бітімгершілік, терроризмге қарсы әрекет ету ұстанымдары талқыланады.

Сонымен бірге кең ауқымды халықаралық аудиторияның назарына тұрақты даму, азық-түлік қауіпсіздігі, денсаулық сақтау және білім беру жүйесімен жаппай қамту, қоршаған ортаның азып-тозуы сынды жаһандық күн тәртібіндегі өзекті мәселелерге қатысты Қазақстанның көзқарасы ұсынылады.

Тақырып бойынша

Тоқаев "оралман" деген сөзден бас тартуға қатысты пікір білдірді
Тоқаев Қытайда тек қазақ тілінде сөз сөйлеп жүр
Тоқаев неге бірнеше маңызды ауыс-түйіс жасағанын түсіндірді
Тоқаев Қарағанды облысының жаңа әкіміне қандай міндет жүктегені белгілі болды
Аз ба, көп пе: Тоқаев жарты жылда не тындырып үлгерді?
Кілт сөздер:
АҚШ, Қасым-Жомарт Тоқаев
Загрузка...

Басты тақырып