НҰР-СҰЛТАН, 25 қараша – Sputnik. Нұрсұлтан Назарбаев Nur Otan жиынын өткізіп жатыр. Бұл туралы өзінің Twitter-дегі парақшасында тұңғыш президенттің баспасөз хатшысы Айдос Үкібай хабарлады.
"Бүгін Нұрсұлтан Назарбаев Nur Otan партиясы өңірлік филиалдар өкілдерінің қатысуымен жиналыс өткізіп жатыр",- деп жазды ол.
В ходе выступления Елбасы вновь напомнил партийцам о необходимости консолидации вокруг Президента Казахстана Касым-Жомарта Токаева и обеспечения преемственности политического курса pic.twitter.com/1wGh6xzoXv
— Aidos Ukibay (@Aidos_Ukibay) 25 ноября 2019 г.
"Елбасы өз сөзінде партия өкілдеріне президент Қасым-Жомарт Тоқаевтың айналасында жиналу керек екенін айтты. Саяси бағыт-бағдардың сабақтастығы сақталуы керек деді", - деп жазды Үкібай.
Нұрсұлтан Назарбаев Қазақстан президенті ретінде өкілеттігін тоқтатқан соң Nur Otan партиясының төрағасы болып қалды.
Тағы оқыңыз: Назарбаев президент Тоқаевтың жұмысына қатысты пікір білдірді
Елбасы қазан айында партия депутаттарының жұмысын сынға алған болатын. Ол депутаттардың соңғы айларда бірде-бір қоғамдық резонанс тудырған мәселеге қатысты пікір білдірмегенін айтты. Бұған дейін Назарбаев үкімет мүшелері, Nur Otan мен мәжілістегі партия фракциясына мәжіліс сайлауына жаңа сайлауалды бағдарлама әзірлеуді тапсырды.
