18:07 25 Мамыр 2020
Тікелей эфир
  • USD414.46
  • EUR451.35
  • RUB5.77
Саясат
Қысқа сілтеме алу
1917 0 0

Ермек Көшербаев Иманғали Тасмағамбетов зейнетке шыққаннан кейін Қазақстанның Ресейдегі елшісі болып тағайындалды

НҰР-СҰЛТАН, 29 қаңтар – Sputnik. Мемлекет басшысы Қасым-Жомарт Тоқаев Қазақстанның Ресейдегі төтенше және өкілетті елшісі болып тағайындалды, деп хабарлады Ақорданың баспасөз қызметі.

"Мемлекет басшысының жарлығымен Ермек Беделбайұлы Көшербаев Қазақстан Республикасының Ресей Федерациясындағы төтенше және өкілетті елшісі қызметіне тағайындалды", - делінген хабарламада.

Тасмағамбетов неліктен Қазақстанның Ресейдегі елшісі қызметінен кетті

Иманғали Тасмағамбетов 2017 жылдың ақпанынан бастап Қазақстанның Ресейдегі елшісі қызметін атқарды.

2019 жылдың 18 желтоқсанында ол зейнет жасына жетуіне байланысты қызметінен босатылды. Кейінірек Тасмағамбетов өз еркімен жұмыстан кеткені белгілі болды.

Қазақстанның Ресейдегі елшілігінің кеңесші-елшісі Нұржан Қажыақбаров республиканың Ресей Федерациясындағы уақытша сенімді өкілі болып тағайындалды.   

Жаңа елшінің өмірбаяны

Ермек Көшербаев 1965 жылы 2 мамырда Алматы қаласында дүниеге келген.

1988 жылы С. Киров атындағы Қазақ мемлекеттік университетін "шет тілінде оқытатын тарихшы" мамандығы; 1993 жылы КСРО сыртқы істер министрлігінің дипломатиялық академиясын халықаралық қатынастар және сыртқы саясат мамандығы бойынша бітірді. Қазақ, орыс, ағылшын және корей тілдерін біледі.

Үйленген, ұлы мен қызы бар.

Әр жылдары Қазақстан президенті әкімшілігінде,  үкіметте, сыртқы істер министрлігінде, "ҚазМұнайГаз" АҚ-да жұмыс істеді. "Ертіс" ӘКК" ҰҚ басқарма төрағасы болды.  

  • 2010-2014 жылдары – Шығыс Қазақстан облысы әкімінің орынбасары, бірінші орынбасары.
  • 2014-2016 жылдары – Қазақстан Республикасы ауыл шаруашылығы вице-министрі.
  • 2016-2018 жылдары - Қазақстан Республикасы ауыл шаруашылығы министрлігінің жауапты хатшысы.
  • 2018-2019 жылдары – Қазақстан Республикасы сыртқы істер министрлігінің жауапты хатшысы.
  • 2019 жылдың 1 желтоқсанынан бүгінге дейін - Қазақстан сыртқы істер министрінің орынбасары.

"Құрмет" орденімен марапатталған.

Тақырып бойынша

Иманғали Тасмағамбетовтің анасы өмірден озды
Қазақстанның Ресейдегі елшісі міндетін кім атқаратыны белгілі болды
Тоқаев Иманғали Тасмағамбетовті зейнетке жіберді
Тасмағамбетов қызметінен өз еркімен кетті - министрлік
Тасмағамбетовтің бұрынғы орны бос тұр - министрлік түсініктеме берді
Загрузка...

Басты тақырып