20:19 16 Шілде 2020
Тікелей эфир
  • USD412.55
  • EUR468.66
  • RUB5.79
Саясат
Қысқа сілтеме алу
205 0 0

Бұқаралық ақпарат құралдарында өз бағдарламаларын таныстыру үшін кандидаттарға тең қаражат бөлінеді

НҰР-СҰЛТАН, 25 маусым – Sputnik. Орталық сайлау комиссиясы сенат депутаттығына кандидаттардың бюджет есебінен және өз ақшасынан өтелетін шығыстарын бекітті, деп хабарлайды Sputnik Қазақстан тілшісі.

Комиссия хатшысы Сәбиля Мұстафинаның айтуынша, бұқаралық ақпарат құралдарында өз бағдарламаларын таныстыру үшін кандидаттарға тең қаражат бөлінеді. Атап айтқанда, ол ақшаға теледидарда (15 минут), радиода (10 минут), мерзімді басылымдарда немесе желілік басылымдарда (0,1 баспа табақтан аспайтын 2 мақала) сөз сөз сөйлеп, бағдарламаны таныстыруға болады.

Сондай-ақ, республикалық бюджет қаражатынан кандидаттардың сайлауалды іс-шараларын өткізуге, үгіт-насихат материалдарын шығаруға және көлікпен жүруге кететін шығыстар белгілеген мөлшерде өтеледі.

"Орталық сайлау комиссиясы өз қаулысымен парламент сенатының депутаттығына кандидаттың республикалық бюджет қаражатынан өтелетін шығыстарын 450 000 теңге көлемінде белгіледі", - деді Мұстафина бүгінгі отырыста.

Шығыстардың көлемі:

  • теледидар мен радиодан сөз сөйлеуге, сондай-ақ, мерзімді басылымдарда 2 мақала жариялауға  - 300 000 теңге;
  • сайлауалды көпшілік іс-шараларын өткізуге және үгіт-насихат материалдарын шығаруға  - 70 000 теңге;
  • көлік шығындары  - 80 000 теңге.

Ал кандидаттың сайлау қоры 8 500 000 теңгеден аспауы шарт. Қазақстан азаматтары мен ұйымдарының ерікті қайырмалдықтары 21 250 000 теңге көлемінде бекітілді.

"Белгіленген мөлшерден тыс түскен ақшалай қаражат сайлау қорына есептелуге жатпайды және оларды енгізген азаматтар мен ұйымдарға қайтарылады. Бұл ретте аталған қаражатты қайтаруға байланысты шығыстар оларды енгізген азаматтар мен ұйымдардың есебінен жабылады. Жасырын қайырмалдықтар республикалық бюджет кірісіне айналады. Сайлау қорларына тек заңды жолмен алынған қаражат қана жіберілуі тиіс", - деп атап көрсетті Мұстафина.

Тақырып бойынша

"Депутат ұйықтап отыр ма?": Владислав Косарев жауап беруге дайын – видео
Ыдырысова депутаттардың неге шаршап отыратынын айтып берді
"Халық табысының тең жартысын тамаққа жұмсайды": депутат жалақы аз деп ашынды
"833 мың жетпейді": сенат төрағасы қандастарды мазалайтын үш мәселені атады
Сенат сайлауы: үміткерлердің саны көбейіп келеді
Кілт сөздер:
үміткерлер, ақша, сайлау, Сенат
Загрузка...

Басты тақырып