04:10 19 Қазан 2017
Тікелей эфир
Дональд Трамп

Sputnik.Пікір сауалнамасы: Трамп сайланғаннан кейін әлемде қауіпсіздік күшеймейді

© AFP / Mandel Ngan
Баспасөз хабарламасы
Қысқа сілтеме алу
7 0 0

Германия (72%), Франция (64%), Бразилия (60%), Ұлыбритания (55%) және Түркия (52%) тұрғындарының басым көпшілігі Дональд Трамп АҚШ президенті болып сайланғаннан кейін әлемде қауіпсіздік азаяды деп санайды

АСТАНА, 11 сәуір — Sputnik. Германия (72%), Франция (64%), Бразилия (60%), Ұлыбритания (55%) және Түркия (52%) тұрғындарының басым көпшілігі Дональд Трамп АҚШ президенті болып сайланғаннан кейін әлемде қауіпсіздік азаяды деп санайды. Дәл осы пікірді Италия тұрғындарының 49%-ы және америкалықтардың 45%-ы қолайды. Сауалнаманы Sputnik.Пікір жобасы аясында TNS Global компаниясы Sputnik ақпараттық агенттігі және радиосы үшін жүргізді.

Сауалнама нәтижесі
© Sputnik/
Сауалнама нәтижесі

Сауалнаманы TNS Global компаниясы 2017 жылы 16-22 ақпан аралығында жүргізген. Оған Франция (1 004 адам, 16-64 жас), Германия (1 014 адам, 16-64 жас), Италия (1 050 адам, 16-54 жас), Ұлыбритания (1 037 адам, 16-64 жас), АҚШ (1 027 адам, 18-64 жас), Бразилия (1 010 адам 16-54 жас) және Түркиядан (1 006 адам 16-54 жас) барлығы 7148 респондент қатысты. Іріктеме халықты жынысы, жасы және географиялық орны бойынша бөліп қарастырады. Іріктеменің қателігі әр ел бойынша ең көп дегенде +/- 3,1%-ды құрайды, сенімгерлік ықтималдығы 95%.

Sputnik.Пікір туралы мәлімет

Қоғамдық пікірді зерттеу жөніндегі халықаралық жоба 2015 жылы қаңтарда іске кірісті. Жоба серіктестері – танымал зерттеу компаниялары Populus, Ifop және forsa. Sputnik.Пікір жобасы аясында ең өзекті әлеуметтік және саяси мәселелер бойынша коғамдық пікірді білу үшін АҚШ және Еуропа елдерінде сауалнама жүргізіледі.

Sputnik — ондаған елдерде мультимедиялық ақпараттық хабы бар жаңалықтар агенттігі және радиосы. Sputnik агенттігінің 30-дан астам тілдердегі сайттары, аналогтік және сандық көрсетілімдері, ұялы телефондарға арналған қосымшалары және әлеуметтік желілерде парақшалары бар. Sputnik жаңалықтар лентасы тәулік бойы ағылшын, араб, испан және қытай тілдерінде шығады.

Басты тақырыптар