08:31 21 Шілде 2017
Тікелей эфир
астана арена стадионы - рекадр

Астанада футбол матчына байланысы көлік қозғалысы шектеледі

© Sputnik / Максим Маслов
Өңірлер
Қысқа сілтеме алу
9 0 0

11 қазанда сағат 22.00-де "Астана Арена" алаңында Қазақстан мен Румыния ұлттық құрамалары арасында футбол матчы өтеді

Астана, 10 қаз – Sputnik. 11 қазанда сағат 22.00-де "Астана Арена" алаңында Қазақстан мен Румыния ұлттық құрамалары арасында футбол матчы өтеді.
Осыған орай 11 қазанда Қабанбай батыр және Тұран даңғылының Керей Жәнібек хандар көшесінен Хусейн Бен Талал көшесіне дейін көлік қозғалысы тоқтатылады. Қозғалыс іс-шара аяқталғанға дейін шектеледі. Жүргізушілерге Орынбор көшесімен айналып өту жолы ұсынылады, деп хабарланады елорданың ресми сайтында.
Сағат 20.00-де жанкүйерлерді жинау және жеткізу үшін арнайы рейстер ұйымдастырылады, олар бес мекен-жайдан аттанады: "Қазақстан" СК көлік тұрағынан (Қажымұқан көшесі); "Хазрет Сұлтан" мешітінен (Қошқарбаева даңғылы); "Нұр Астана" мешітінен (шығыс жағының көлік тұрағы); Қалалық цирк көлік тұрағынан (Қорғалжын шоссесі көлік тұрағы); Мұңайтпасов атындағы алаң көлік тұрағынан (Кенесары көшесі).

Матч аяқталған соң осы шаттлдар "Астана-Арена" стадионы жанындағы тұрақта және Қабанбай батыр даңғылының бойындағы аялдамада тұрады.

Елордалық тәртіп сақшылары жүргізушілерден жолда мұқият болуын және жұртшылықтың пайдасына жеке жол көліктерінен бас тартуды сұрайды. Астана қ. Халықаралық әуежайына жол жүруді жоспарлаған азаматтарға және жақын аудандардағы тұрғындарға баламалы жол қозғалысын алдын ала жоспарлауды ұсынамыз.

Басты тақырыптар