АСТАНА, 25 жел – Sputnik. "Алматы-Петропавл" рейсін жүзеге асырмақ болған SCAT әуе компаниясының ұшағы Көкшетауға қонуға мәжбүр болды деп хабарлады әуе тасмалдаушысының баспасөз хатшысы Виктория Ульянова Sputnik Қазақстан агенттігіне.
"Ұшақ Алматыдан Петропавлға кесте бойынша бет алған, алайда Петропавл қаласында ұшақтың қонар кезінде қатты боран соғып тұрды. Мұндай ауа райы жағдайында ұшақты қондыруға болмайды. Сол себепті командир Көкшетау әуежайындағы қосалқы аэродромға қонуға шешім қабылдады", — деп мәлімет берді Ульянова.
Жолаушыларға Алматыға кері қайтып, келесі күні жаңа рейспен Петропавлға аттануды ұсынды. Бірақ жолаушылар Көкшетауда қалып, Петропавлға өз күштерімен жетуге ниет білдірді.
Қазақстанның солтүстік аймақтарында бірнеше күн боран тоқтамай тұр.