АСТАНА, 29 жел — Sputnik. Қазақстанның басым бөлігінде құбылмалы ауа райы сақталады, атмосфералық фронттардың өтуіне байланысты жауын-шашын болады, республиканың оңтүстік-шығысындағы таулы аймақтарда қатты жауын жауады деп хабарлайды "Қазгидромет" метеоқызметі.
Көптеген өңірлерде – орталықта, шығыста және солтүстікте – орташа ауа температурасы – 8-10 градус аяз, батыста – 2-4 градус аяз, ал оңтүстікте сынап бағанасы 2-4 градус нөлден жоғарылайды.
Жамбыл облысында тұман, көктайғақ, боран болады деп күтіледі, желдің екпіні – 15-20, ұйытқуы – 25 м/с, таңертең және күндіз облыстың оңтүстік-батысында – 30 м/с асады.
Оңтүстік Қазақстан, Қызылорда, Атырау, Батыс Қазақстан облыстарында – тұман, көктайғақ, Оңтүстік Қазақстан облысында кей жерлерде желдің екпіні – 15-20 м/с, таңертең және күндіз ұйытқуы – 25 м/с.
Ақмола, Шығыс Қазақстан облыстарында – боран, желдің екпіні – 15-20 м/с, Ақмола облысында кей жерлерде тұман.
Алматы облысында – тұман, Жалаңкөл ауданында – желдің екпіні – 15-20 м/с.
Маңғыстау облысында – тұман, түнде кей жерлерде көктайғақ.
Ақтөбе, Қостанай, Солтүстік Қазақстан облыстарында төменнен соққан боран болады деп күтіледі.
Қарағанды облысында – тұман.
