АСТАНА, 6 қаң – Sputnik. Қазақстанның басым бөлігінде құбылмалы ауа райы сақталады, атмосфералық фронттардың өтуіне байланысты қар жауады деп күтіледі, оңтүстік пен батыста ғана ауа райы жауын-шашынсыз. Кей жерлерде тұман түсіп, көктайғақ болады және боран соғып, жел күшейеді деп хабарлайды ҚР ІІМ ТЖ жөніндегі комитет сайтында.
Шығыс Қазақстан, Ақмола облыстарында боран, көктайғақ, тұман болады деп күтіледі, Шығыс Қазақстан облысында кей жерлерде желдің екпіні 15-20 м/с. Батыс Қазақстан, Жамбыл, Қарағанды, Қызылорда облыстарында кей жерлерде – тұман, көктайғақ, Батыс Қазақстан және Жамбыл облыстарында кей жерлерде – желдің екпіні 15-20 м/с.
Ақтөбе, Қостанай облыстарында кей жерлерде – төменнен соққан боран, тұман, күндіз Қостанай облысында кей жерлерде – желдің екпіні 18 м/с. Оңтүстік Қазақстан, Павлодар, Атырау, Маңғыстау, Солтүстік Қазақстан облыстарында, түнде Алматы облысында кей жерлерде – тұман, Маңғыстау және күндіз Оңтүстік Қазақстан облыстарында кей жерлерде – желдің екпіні 15-20 м/с.
