АСТАНА, 12 қаң — Sputnik. Қазақстанның басым бөлігінде атмосфералық фронтальдық бөліктердің өтуіне байланысты тұрақсыз ауа-райы сақталады, жауын-шашын болады, тек республиканың батыс аймақтарында жауын-шашынсыз болады, деп хабарлайды Қазгидромет метеоқызметі.
Ақмола, Қостанай облыстарының кей жерлерінде бұрқасын, тұман күтіледі, түнде және таңертең жел 15-20 м/с күшейеді. Оңтүстік Қазақстан облысының кей жерлерінде — тұман, көктайғақ күтіледі, жел 15-20 м/с, екпіні 23 м/с күшейеді.
Қызылорда, Маңғыстау облыстарының кей жерлерінде тұман, көктайғақ болады. Атырау, Солтүстік Қазақстан облыстарының кей жерлерінде тұман күтіледі. Павлодар облысының кей жерлерінде бұрқасын болып, түнде жел 15-20 м/с күшейеді.
Қарағанды, Шығыс Қазақстан облыстарының кей жерлерінде тұман, бұрқасын болып, жел 15-20 м/с күшейеді.
Алматы облысының кей жерлерінде жел 15-20 м/с, Жаланашкөл ауданында екпіні 22-27 м/с күшейеді.
Жамбыл облысының кей жерлерінде тұман, көктайғақ, бұрқасын болып, жел 15-20 м/с, екпіні 25 м/с, оңтүстік-батыс облысында кей уақытта 30 м/с күшейеді.
