АСТАНА, 15 ақп – Sputnik. Республиканың басым бөлігінде атмосфералық фронттардың өтуіне байланысты кей жерлерде қар, тұман, көктайғақ, жел, боран сақталады, солтүстік-шығыста ғана ауа райы жауын-шашынсыз деп хабарлайды ҚР ІІМ ТЖ жөніндегі Комитеттің ресми сайты.
Жамбыл, Оңтүстік Қазақстан облыстарында кей жерлерде тұман, көктайғақ, боран, желдің екпіні 15-23 м/с.
Қостанай, Батыс Қазақстан облыстарында, күндіз Солтүстік Қазақстан облысында кей жерлерде – боран, желдің екпіні 15-20 м/с, Қостанай облысында – тұман.
Алматы, Атырау, Маңғыстау, Шығыс Қазақстан, Қарағанды облыстарында кей жерлерде тұман болады деп күтіледі, Алматы облысында – көктайғақ. Қызылорда облысында – кей жерлерде тұман, күндіз желдің екпіні 15-20 м/с.
