АСТАНА, 22 ақпан — Sputnik. Павлодар облысында ауа райы қолайсыздығына байланысты "Қызылорда-Павлодар" тас жолының жабылуы салдарынан 67 автокөлік жиналып қалды, оларда барлығы 204 адам болған, оның бесеуі жас сәби деп хабарлайды ҚР ІІМ ТЖ жөніндегі баспасөз қызметі.
Мәліметке сәйкес, сексен адам "Кемпингте" және қонақ үйлерде орналастырылды, 124 адам эвакуациядан бас тартып, автономды пеш орнатылған автокөліктерінде қонып қалды. Шідерті ауылы орта мектебінде жолаушыларға ыстық тамақ берілуде.
Новосибирск-Павлодар автожолында Успен ауданында он төрт жолаушысы бар рейстік автобус жыраға түсіп кеткен.
"Жолаушылар жолай кездескен көлікпен Павлодар қаласына жеткізілді. Зардап шеккендер жоқ", — делінген хабарламада.
