АСТАНА, 15 наурыз – Sputnik. Ақтауда полиция қызметкерлері автокөліктердің әйнегін сындырып, ұрлады деген күдікпен екі адамды ұстады деп хабарлайды жергілікті "Ақтау-Лада" басылымы.
Басылым берген мәліметке сүйенсек, жедел іздеу шараларының нәтижесінде Маңғыстау облысының 1993 және 1997 жылы туған екі тұрғыны ұсталған.
"Сот алды тергеу ісі жүргізілуде. Күдіктілер жасаған ісін мойындап отыр, бұл олардың қалада болған бірнеше оқиғаға қатысы бар-жоғын анықтайды", — деп түсіндірген Ақтау ІІБ қылмыстық полиция басқармасы.