АСТАНА, 5 сәуір — Sputnik. Қарағанды облысы төтенше жағдайлар жөніндегі департамент басшысының орынбасары, азаматтық қорғаныс полковнигі Вадим Магамадов жемқорлық жасады деген күдікпен ұсталды деп хабарлайды Сыбайлас жемқорлыққа қарсы іс-қимыл ұлттық бюросының баспасөз қызметі.
Тергеу барысында анықталғандай, Магамадов өкілеттігін асыра пайдаланып, кәсіпорын нысандарында өрт қауіпсіздігі ережелерінің бұзылғаны үшін салынған айыппұлдың көлемін заңсыз төмендетіп, сондай-ақ ұйғарымдарды орындау мерзімін ұзартқаны үшін заңсыз сыйақы алып отырған. Сейсенбі күні 4 сәуірде Магамадов кәсіпкерден 200 мың теңге пара алу кезінде ұсталып, Қарағанды полициясының уақытша ұстау изоляторына қамалды. Сот алды тергеу жүргізілуде.
