АСТАНА, 25 сәуір — Sputnik. Атмосфералық фронттардың өтуіне байланысты республикамыздың батысында, солтүстік-батысында және солтүстіктің кей жерлерінде жаңбыр сақталады, шығыста жауын-шашын күтіледі, деп хабарлайды Қазгидромет метеоқызметі.
Солтүстік Қазақстан облысының кей жерлерінде жел 15-20 м/с күшейеді. Түнде Шығыс Қазақстан облысының кей жерлерінде тұман болып, жел 15-20 м/с күшейеді. Қостанай облысының кей жерлерінде түнде және таңертең тұман күтіледі.
Оңтүстік Қазақстан облысында, күндіз Ақмола, Жамбыл, Атырау облыстарында, түнде Батыс Қазақстан, Ақтөбе облыстарының кей жерлерінде жел 15-20 м/с күшейеді. Таңертең Қарағанды облысының кей жерлерінде тұман болады.
