АСТАНА, 22 мамыр — Sputnik. Әуезов ауданы прокурорының көмекшісі Бекзат Бөшен қадағалау ведомствосындағы қызметінен шығып кетті. Ақпаратты Алматы қалалық прокуратурасының баспасөз қызметі растады.
"Ол демалыстан қайтып келген соң, қызметтен кетуге арыз жазды. Қазір прокуратура қызметкері емес", — деп хабарлады прокуратура баспасөз қызметі.
Sputnik Қазақстан агенттігі Бекзат Бөшенмен телефон арқылы хабарласты, бірақ ол қандай да бір пікір білдіруден бас тартты.
Жол апаты 11 мамырда Алматыдағы Райымбек даңғылында болған: Mercedes Gelandewagen қоғамдық көлікке арналған жолаққа шығып кетіп, жолаушылар мінген автобусқа соғылған.
