Өңірлер

Кісі өлтіргені үшін айыпталған ер адам сотта өз-өзіне қол салмақ болған

© AFP 2024 / Sandor GemesСот үкімі
Сот үкімі - Sputnik Қазақстан
Жазылу
Айыпталушы сот отырысына ешкімге білдірмей өткір зат алып кіріпті

АСТАНА, 18 шілде — Sputnik. Атырауда зейнеткерді өлтіргені үшін сотталған ер адам сот залында өз-өзіне қол салмақ болды, деп хабарлайды ATPress.kz басылымы.

Архивное фото мужчины на скамье подсудимых - Sputnik Қазақстан
Қоғам
Бас прокурор: халықтың жанына бататыны - тергеу мен сот үкімі

Махамбет ауылының тұрғыны 16 жылға сотталғанына наразылық ретінде осындай әрекетке барған.

Ол қарт туысын өлтіріп, тонағаны үшін айыпталған болатын.

"Сот процесі Атырау облыстық қылмыстық істер бойынша мамандандырылған ауданаралық сотында өтті. Қылмыскер 76 жастағы зейнеткерді өлтіріп, қаражатын алып кеткен. Қаныпезер айыбын мойындамай, сот залында күре тамырын кесіп жіберді. Тергеу изоляторынан өткір затты білдірмей алып кірген", — деп жазады басылым.

Сот жасауылы Мейрам Жұбанов сотталған ер адамның өмірін сақтап қалды, ол тез арада белбеуін шешіп, қылмыскердің қолын байлап, қанды тоқтатқан. Кейін "жедел жәрдем" шақырған. Бұл әрекеті үшін жасауыл басшылықтан құрмет қағазын алды. 

Атырау тұрғынына қатысты үкім заңды күшіне енген.   


Жаңалықтар
0