АСТАНА, 27 шілде — Sputnik. Солтүстік Қазақстанда 10 жасар Имран Бағдат өз өмірін қатерге тігіп, 2 жасар сәбиді өлім аузынан құтқарып қалды, деп хабарлайды СҚО Уәлиханов ауданы ТЖД бөлімінің бас инженері, азаматтық қорғаныс майоры Руслан Сәдуақасов.
Оның айтуынша, Имран ата-анасымен Көкшетау қаласында тұрады екен, ал жазғы каникулда Кішкенекөл ауылындағы ата-әжесіне келіпті.
"Бір күні балалар ойнап жүргенде, Имран көршінің екі жасар ұлы Айсұлтанның суармалы құдыққа шығып алғанын байқаған, құдықтың қақпағы дұрыс жабылмайды екен. Біреуді көмекке шақыруға уақыт жоқтығын білген Имран көп ойланбастан құдыққа жүгіріп барып, баланы құшақтап түсіреді. Салдарынан өзі жарақат алған", — деп мәлімет берді Сәдуақасов.
Қайсар бала аудандық ауруханадағы хирургия бөлімінде емделіп шығыпты.
