АСТАНА, 24 тамыз — Sputnik. Павлодар облысы мамандандырылған ауданаралық қылмыстық сотында он жеті жыл бұрын оқушы қызды зорлап өлтіргені үшін қырық алты жастағы Анатолий Хе-Денге үкім шығарылды, деп хабарлады Павлодар облыстық сотының баспасөз қызметі.
Айыпталушы мойындағандай, 2000 жылы Қалқаман ауылында он үш жасар қызды зорлап, кейін өлтірген. Ол кезде полицейлер қылмысты аша алмапты. Төрт жыл өткенде азғын қарт адамды өлтіргені үшін сотталып, содан бері түрмеде отырған.
Сот үкімімен сотталушы жасаған қылмыстары үшін айыпты деп танылып, өтелмеген жаза мерзімін қоса алғанда, 25 жылға бас бостандығынан айырылды.
