22:18 23 Қыркүйек 2017
Тікелей эфир
Терезесі сынған автокөлік

Қостанайда тұрақта тұрған көліктің үстіне теледидар құлады

© Sputnik /
Өңірлер
Қысқа сілтеме алу
10 0 0

Қостанайда көпқабатты үйдің терезесінен лақтырылған теледидар жеңіл автокөлікті зақымдады

АСТАНА, 13 қыркүйек – Sputnik. Қостанайда біртүрлі ТЖ орын алды – көпқабатты үйдің терезесінен лақтырылған теледидар, кіреберіс алдындағы тұрақта тұрған автокөлікті зақымдады. Бұл оқиға жайында қостанайлық "Алау" телекомпаниясына зақымдалған "ВАЗ-2113" автокөлігінің иесі хабарлаған. 

Оқиға кезінде көліктің жанында ешкім болмаған. Зардап шеккен көлік иесінің айтуынша, теледидар ішкіш отбасының пәтерінен лақтырылған.

"Олар үнемі ішіп, мазаны алады. Осыдан кейін оқиға орнына полиция шақырдым. Пәтер иелерінің үйіне кіре алмай, полицейлер кетіп қалды. Пәтер иесі жасаған істі мойындамайды. Бірақ оны көрген куәлар бар", — дейді ол.

Қостанай облысы ІІД баспасөз қызметі бұл оқиға бойынша әзірге ешқандай мәлімет бермеді.

 

 

 

Басты тақырыптар