АСТАНА, 21 қыркүйек — Sputnik. Шымкентте жолдардың уақытша жөнделуіне тыйым салынады, деп хабарлады қала әкімі Ғабидулла Әбдірахимов жиналыс барысында.
Бұдан бөлек, жолдар астындағы коммуникацияларды жүргізетін мердігерлік ұйымдар толығымен таптап тегістеп, асфальттауға міндеттелді.
Әбдірахимов жолдардың жағдайы мен өз міндеттіліктерін дұрыс атқармағаны үшін "Техинспекция" ЖШС басшысын қатал сынға алды.
"Сіздің жұмысыңызға разы емеспін. ЖШС басқарғаныңызға бір жарым жыл болды, тәртіп жоқ. Тәртіп дегеніміз шұңқыр тегістеліп, жолдар асфальтталуы керек деген сөз. Біз ЖШС акционері ретінде сізді жұмыстан шығару мәселесін көтереміз", — деп мәлімдеді Шымкент қаласының басшысы.
