АСТАНА, 11 қазан — Sputnik. Қазақстан территориясының көп бөлігінде жауын-шашын болмай, күн ашық болады. Тек еліміздің батыс өңірінің жер-жерлерінде түнде және таңертеңгі уақытта шамалы жаңбыр жауады. Солтүстік және шығыс аумақтарда түнде және таңертең тұман түседі, деп хабарлайды "Қазгидромет" баспасөз қызметі.
Алматы облысының Жалаңашкөл ауданында желдің күші — 20-25 м/с дейін жетеді.
Жамбыл, Оңтүстік Қазақстан облыстарында, Қарағанды облысының кей жерлерінде жел күшейіп, 15-20 м/с дейін жетеді.
Солтүстік Қазақстан, Павлодар, Шығыс Қазақстан облыстарының кей жерлерінде түнде және таңертең тұман түседі.
