АСТАНА, 13 қазан — Sputnik. "Қазгидромет" алдағы үш күнге арналған ауа райы болжамын жариялады.
Алдағы үш тәулікте еліміздің басым бөлігінде күн ашық болып, ауа температурасы айтарлықтай төмендемейді. Тек кей өңірлерде жауын-шашын болуы мүмкін.
"Қазақстан территориясына жылы және жауын-шашынсыз ауа райын әкелген антициклон өтіп барады. Оның соңынан батыс өңірден енген атмосферлық фронттардың шығысқа қарай жылжуы кезінде кей жерлерде жаңбыр жауады", — дейді синоптиктер.
Тропосферада оңтүстік-батыс ағындары сақталатындықтан, ауа температурасы күрт төмендемейді.
