АСТАНА, 17 қазан — Sputnik. Батыс Қазақстан облысы Қазтал ауданы Талдықұдық ауылында сегізінші сынып оқушысына қасқыр шабуыл жасаған, жыртқыш жасөспірімнің санынан тістеп алыпты, деп хабарлайды "Мой ГОРОД" жергілікті басылымы.
14 қазанда сегізінші сынып оқушысы қой қораға кіріп, қасқырды көргенде, оны біреудің иті екен деп қалған.
Жыртқыш балаға тап берген, жасөспірім шатырдың астына шығып үлгерген. Бала ересектерді көмекке шақыра бастайды. Оған алғашқы көмек көрсетіліп, кейін Жалпақтас аудандық ауруханасына жеткізіліп, құтыруға қарсы екпе салынған. Қасқыр баланың оң жамбасынан тістеп үлгеріпті. Зардап шегушінің хәлі бір қалыпты.
Қасқырды жергілікті тұрғындар атып өлтірген.
