АСТАНА, 13 қараша — Sputnik. Антициклонның әсерінен еліміздің басым бөлігінде ауа райы жауын-шашынсыз, Қазақстанның солтүстік-батысы мен солтүстігінде ғана жауын-шашын жауады. Кей жерлерде жел тұрып, тұман түседі, көктайғақ болады, деп хабарлайды "Қазгидромет".
Жамбыл, Алматы облыстарында кей жерлерде тұман, жел 15-23 м/с. Шығыс Қазақстан, Атырау, Маңғыстау, Қызылорда облыстарында, түнде Ақтөбе, Қарағанды облыстарында кей жерлерде тұман түседі. Ақмола, Қостанай, Солтүстік Қазақстан, Павлодар облыстарында кей жерлерде тұман, көктайғақ.
Оңтүстік Қазақстан облысында кей жерлерде желдің екпіні 15-20 м/с.
