АСТАНА, 20 қараша — Sputnik. Ірі антициклонның ықпалымен Қазақстанның басым бөлігінде жауын-шашын болмайды, тек солтүстік пен шығыста ғана ауа райы жауын-шашынды, деп хабарлады "Қазгидромет".
Шығыс Қазақстан облысында кей жерлерде тұман түседі, төменнен соққан боран, желдің екпіні – 15-20 м/с.
Жамбыл, Оңтүстік Қазақстан, Қызылорда, Атырау, Батыс Қазақстан, Ақтөбе облыстарында тұман, желдің екпіні — 15-20 м/с.
Солтүстік Қазақстан облысында – тұман, көктайғақ.
Маңғыстау облысында кей жерлерде желдің екпіні — 15-20 м/с.
Ақмола, Алматы, Қостанай, Қарағанды облыстарында, түнде Павлодар облысында кей жерлерде тұман.
