АСТАНА, 20 қараша — Sputnik. Розыбақиев көшесінде орналасқан Mega Alma-Ata сауда және ойын-сауық орталығында жоспарлы антитеррорлық оқу-жаттығу жүргізіледі, деп хабарлады Алматы қаласы терроризмге қарсы күрес жөніндегі жедел штабы.
Қала тұрғындарына сауда орталығы мен маңайында оқу-жаттығулар жүріп жатқан кезде шектеу амалдары қолданылатыны ескертілген.
"Азаматтарды жүргізілген шараларға түсіністікпен қарап, қауіпсіздік шараларын ескеруге, қозғалыс бағдарын алдын-ала реттеуге, оқу-жаттығуды жүргізуге қатысушы мемлекеттік орган қызметкерлерінің талабын орындауға шақырамыз", — деп жедел штаб халыққа үндеу тастады.
Штаб ескертіп өткендей, қоғамдық қауіпсіздікті қамтамасыз етуші тұлғаның талабын орындамаған адам әкімшілік жауапкершілікке тартылмақ.