АСТАНА, 5 желтоқсан — Sputnik. Қазақстанның төрт облысында ауа райының қолайсыздығына байланысты дабылды ескерту жарияланды, деп хабарлайды "Қазгидромет" баспасөз қызметі.
Маңғыстау облысында 5 желтоқсанда кей жерлерде тұман түсіп, оңтүстік-шығыс бағытында жел күшейеді — 15-20 м/с.
Батыс Қазақстан облысында 5-6 желтоқсанда кей жерлерде оңтүстік-шығыс, оңтүстіктен соққан жел күшейеді — 15-20 м/с, қар жауып, боран соғады, желдің ұйытқуы — 23 м/с. Оралда оңтүстік-шығыс, оңтүстіктен соққан желдің екпіні — 18 м/с, ұйытқуы 20 м/с.
Қызылорда облысында 2-8 желтоқсанда тұман түседі деп күтіледі.
5 желтоқсанда күндіз Оңтүстік Қазақстан облысында кей жерлерде қар қалың жауып, тұман түседі, көктайғақ болады.
