Өңірлер

Павлодар облысы әкімі қыздарға қыста бас киім киіп жүруге кеңес берді

© Photo : РixabayҚыс
Қыс - Sputnik Қазақстан
Жазылу
Облыс басшысының пікірінше, салауатты өмір салтын насихаттау бойынша көбірек шаралар өткізу қажет

АСТАНА, 8 желтоқсан — Sputnik. Павлодар облысы басшысы қыс мезгілінде жастардың, әсіресе қыздардың бас киім кимей жүруіне алаңдаулы, деп хабарлайды Pavlodarnews.kz.

Аязды күні серуендеп жүрген баланың архивтегі фотосы - Sputnik Қазақстан
Қоғам
Вице-министр: синоптиктер қыс қатты суық болады деп болжам жасап отыр

"Қараша бойы бес градус аяз болғанына қарамастан, жастардың бәрі, әсіресе қыз балалар бас киімсіз жүрді, — деді Болат Бақауов. – Түсіндірмесек болмайды: олар – болашақ аналар, бас киім кимесе, ауырып қалады. Сәнді бас киім емес, денсаулықтың қымбат екенін ұғындыру керек", — деді өңір басшысы денсаулық сақтау мәселелері жөніндегі коллегия барысында.

Оның сөзіне сүйенсек, салауатты өмір салтын насихаттау бойынша шаралар өткізген жөн. 

"Бұл мәселемен айналысам дегенше, наурыз-сәуір болады. Шараларды көбірек өткізу қажет. Кеше қарадым, салауатты өмір салтына бюджеттен 80 миллион теңге бөлініпті, бұл қомақты қаражат", — дейді Бақауов.

Павлодар облысы бойынша қоғамдық денсаулық сақтау департаментінің басшысы Ирина Сорокина хабарлағандай, Павлодар тұрғындары екпеден де бас тартып жатыр.

Әсіресе аңшылар, мал дәрігерлері және басқа да мамандар. Олар жануарлармен үнемі тығыз байланыста болады, сол себепті құтыруға қарсы екпе алғаны жөн. 

Оның айтуынша, нәрестелерге де екпе салудан бас тарту жайттары жиі болып тұрады.

Жаңалықтар
0