11:29 24 Қыркүйек 2018
Тікелей эфир
  • USD352.54
  • EUR415.15
  • RUB5.31
Қар күреу

Ақмола облысының екі ауданында төтенше жағдай жарияланды

© Sputnik / Асем Миржекеева
Өңірлер
Қысқа сілтеме алу
57 0 0

Астана мен Ақмола облысындағы қарлы боран қаншама үй мен ғимаратты бұзып, инфрақұрылым нысандарын қиратты

АСТАНА, 17 қаңтар — Sputnik. Ақмола облысының екі ауданында боран салдарын жою мақсатында жергілікті масштабты төтенше жағдай жарияланды.

11 қаңтарда Астана мен жақын аудандарда ақтүтек боран соқты. Астанада сол күні табиғи сипаттағы төтенше жағдай жарияланған еді.

"Аршалы және Ерейментау аудандары әкімдері жергілікті масштабта табиғи сипаттағы төтенше жағдай жариялау туралы шешім қабылдады", — делінген хабарламада.

Бұл шара бұзылған нысандарды қалпына келтіруге төтенше жағдайға арналған қордан қаражат бөлу үшін қолданылып отыр.     

Ерейментау ауданында 11 қаңтарда боран салдарынан үш ауылдағы мектептер мен Балалар шығармашылығы үйінің шатырлары құлап, төрт ауылдағы электр желілеріне зиян келген.

Аршалы ауданында бес ауылдағы мектептердің шатырларына зақым келіп, бір мектептің шатыры түгелдей қирап қалған.

Кілт сөздер:
төтенше жағдай, Ақмола облысы, Ерейментау, Аршалы
Загрузка...

Басты тақырыптар