АСТАНА, 20 қаңтар — Sputnik. Бүгін еліміздің басым бөлігінде ауа райы жауын-шашынсыз болады.
Тек республиканың батысында, солтүстік батысында және солтүстігінде кей жерлерде жауын-шашын түседі, деп хабарлайды синоптиктер.
Кей жерлерде тұман сақталады, батыста, оңтүстік және оңтүстік шығыста жел күшейіп, батыста бұрқасындатады.
Алматы облысында кей жерлерде тұман сақталады, Жалаңашкөл ауданында жел 20-25 м/с-қа дейін күшейеді.
Ақтөбе, Атырау облыстарында бұрқасындатып, жел 15-20 м/с-қа дейін күшейеді, Ақтөбе облысында тұман түседі.
Қызылорда, Маңғыстау облыстарында кей жерлерде тұман болып, жел 15-20 м/с-қа дейін күшейеді деп болжанған.
Оңтүстік Қазақстан облысында желдің күші 15-20 м/с болады.
Ақмола, Жамбыл, Батыс Қазақстан, Қостанай, Солтүстік Қазақстан, Павлодар, Қарағанды, Шығыс Қазақстан облыстарында кей жерлерде тұман сақталады.
