АСТАНА, 19 ақпан — Sputnik. Атмосфералық фронттардың өтуіне байланысты Қазақстанның оңтүстік-шығыс, батыс және солтүстік-шығыс өңірлерінде ауа райы құбылмалы болып, кей жерлерде қар жауады, деп хабарлайды "Қазгидромет".
Жамбыл, Оңтүстік Қазақстан облыстарында кей жерлерде тұман түседі, желдің екпіні — 15-20, күндіз ұйытқуы — 23-28 м/с, Оңтүстік Қазақстан облысында кей жерлерде боран соғады.
Қызылорда, Атырау, Ақтөбе облыстарында кей жерлерде тұман түседі, желдің екпіні — 15-20 м/с.
Маңғыстау облысында кей жерлерде тұман, бұрқасын.
Батыс Қазақстан облысында синоптиктер тұман түседі деп хабарлайды, боран соғып, көктайғақ болады, желдің екпіні — 15-20 м/с.
Алматы, Қостанай, Солтүстік Қазақстан, Павлодар, Қарағанды, Шығыс Қазақстан облыстарында кей жерлерде тұман түседі.
