03:44 24 Қыркүйек 2018
Тікелей эфир
  • USD352.54
  • EUR415.15
  • RUB5.31
Операция, архивтегі фото

Ақтөбеде қызы анасына бауырын бөліп берді

© Sputnik / Сергей Гунеев
Өңірлер
Қысқа сілтеме алу
98 0 0

Дәрігерлер 5 миллион теңгенің операциясын тегі жасаған

АСТАНА, 14 наурыз — Sputnik. Қызы анасына бауырын бөліп берді. Орал қаласының 55 жастағы тұрғынына Ақтөбеде жоғары технологиялық операция  жасалды.  Оңтүстік Кореяның танымал профессоры Кванг Вунг Ли бастаған бір топ дәрігер  6 сағат бойы бауыр алмастыру отасын өткізді, деп хабарлады "Қазақстан" ұлттық арнасы. 

Назгүл Кенеева туған анасы үшін аянып қалмады. Бауырының жартысын бөліп берді. Өзіне өмір сыйлаған жақын адамына осылай қолдау көрсеткеніне қуанышты екенін жеткізді. Сәл қорқыныш болғанын да жасырмады. Ол палатаға ауыстырылды.  

"Жағдайым жақсы. Отаға екі апта көлемінде дайындалдым. Тек анам жазылып кетсе екен. Донор болуға дәрігерлер ұсыныс жасады. Ағам екеуміз ойлана келе мен донор боламын деп шештім", — дейді Назгүл Кенеева.

 Назгүлдің өзі де болашақ медицина қызметкері. Бүгінде Орал қаласында медициналық колледжде білім алып жатыр. Мамандығы — акушер. 

Туған анасына донор болған Назгүл 10 күннен соң үйіне шығады. Күтініп, дәрігерлердің айтқанын бұлжытпай орындаса, ағзасы 6 ай ішінде қалпына келеді. Бастысы, барлығы ақысыз түрде жасалды. Негізі мұндай операциялардың құны 5 миллион теңгеден асып түседі. 

"Қызы хирургия бөліміне ауыстырылды. Анасы әлі жансақтау бөлімінде. Жағдайы жаман емес. Сөйлесе алады. Енді екі-үш күнде палатаға қызының қасына шығарамыз деп отырмыз", — дейді  Ақтөбе медицина орталығының бас дәрігері Рүстем Исаев. 

Еске салсақ, ота өткен сенбіде жасалды. Пациент Оралдан Астана қаласына жол жүріп бара жатқан тұста кеннеттен ауырып, шұғыл бригаданың көмегімен Ақтөбе облыстық ауруханасына жеткізілді. Операция Оңтүстік Кореяның танымал профессорларының бірі Кванг Вунг Лидің басшылығымен өтті. Бұл — Ақтөбеде өткен он екінші бауыр алмастыру операциясы.


Загрузка...

Басты тақырыптар