АСТАНА, 9 сәуір — Sputnik. Қарағанды ауруханасында медбикелер сәбиге сутек тотығымен клизма қойған, зардап шеккен баланың анасына 1,5 миллион теңге өтемақы төленді.
Екінші инстанция соты 2018 жылы 24 қаңтардағы Қазыбек би ауданы №2 соты белгілеген 300 мың теңге өтемақы көлемін арттырды.
"Облыстық балалар ауруханасы" кәсіпорыны моральдық шығын ретінде қосымша 1 200 000 теңге төлеуге міндеттеледі", — деп мәлімет берді Қарағанды облыстық сотының баспасөз қызметі.
2015 жылы қыркүйекте балалар ауруханасының медбикелері флаконды шатастырып, сәбилерге сутек тотығымен клизма қойған. Салдарынан бес жастағы қыз бен екі жасар ұл бала зардап шегіпті.
