11:52 23 Сәуір 2018
Тікелей эфир
Теңге

Колледждің екі қызметкері өздеріне 10 млн теңге жалақы "тағайындаған"

© Sputnik / Болат Шайхинов
Өңірлер
Қысқа сілтеме алу
146 0 0

Аграрлық-техникалық колледждің бас есепшісі мен экономисі 10 миллион теңгеден астам қаржыны өздеріне заңсыз аударған

АСТАНА, 17 сәуір — Sputnik. Қызылорда облысының мемлекеттік аудиторлары Қармақшы аграрлық-техникалық колледжіндегі ірі қаржылық заң бұзушылықты анықтады, деп хабарлады Қазақстанның қаржы министрлігі.

"Колледждің бас есепшісі мен экономисі жеке карта-шоттарға жалақы түрінде 10,3 миллион теңгені негізсіз аударған. Осылайша Қазақстан Республикасы үкіметінің "Азаматтық қызметшілерге, мемлекеттік бюджет қаражаты есебінен қаржыландырылатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы" қаулысы бұзылған", — деп хабарлады қаржы министрлігі. 

2017 жылы бас есепші бір жылға заңды түрде қарастырылған 1,6 миллион теңгенің орнына өзінің жеке карта-шотына 8 миллион 052 мың теңге, ал экономиске 1 миллион 168 мың теңгенің орнына 3 миллион 915 мың теңгені жалақы, еңбек демалысы мен сыйақы түрінде аударған.     

Қазіргі таңда колледжде қызметкерлерге жалақы, еңбек демалысының ақысы мен өтемақы төлемдерін заңға сай аудару мақсатында аудит жүргізіліп жатыр.   


Басты тақырыптар