00:06 07 Желтоқсан 2019
Тікелей эфир
  • USD385.76
  • EUR427.89
  • RUB6.04
Ұстау

Жамбыл облысында есірткі сатушылар тобын жас әйел басқарған

© AFP 2019 / OHAN ORDONEZ
Өңірлер
Қысқа сілтеме алу
30 0 0

Қылмыстық топ мүшелерінен бес килограмм героин мен бес миллион теңге алынды

АСТАНА, 19 сәуір — Sputnik. Жамбыл облысында жас әйел басқарған есірткі сатушылар тобы ұсталды.

Топ басшысы – 33 жастағы жергілікті тұрғын әйел.

"Полиция қызметкерлері ұсталғандардан жалпы салмағы бес килограмм 55 грамм героин, 5 миллион теңге ақшалай қаражат, ұялы телефондар, "Киа Соренто" көлігін, "пресс" агрегаты бар "Беларусь" тракторын, акциздік маркасы жоқ 135 темекі қорабын және алтын бұйымдар алды", — деп хабарлады облыстың ішкі істер департаменті баспасөз қызметі.

Топтың басқа бір мүшесі – Жамбыл облысының 47 жастағы тұрғыны Атырауда ұсталған.

Күдіктілердің бәрі уақытша ұстау изоляторына қамалды, тергеу ісі жүргізіліп жатыр. 

Олар он жылдан он бес жылға дейін бас бостандығынан айырылып, мүлкі тәркіленуі мүмкін.

Кілт сөздер:
әйел адам, қылмыстық топ, есірткі сату, Жамбыл облысы
Загрузка...

Басты тақырып